Kun dai ako napapasala, kan Setyembre 6 kami nagpasiring sa Calabanga ta ngarig magsali sa parada kan mga banda asin CAT. Asin sa aldaw man na ito kami nangggana nin "Best Cadence"...Tunghayan niyato. (ti'anü)
Kami nag-abot sa Calabanga preparado na para sa parada - nakaburulos na (ang iba mayong panahob sa payo asin naka-balat sana), kumpleto na ang mga pupukolon asin ang mga pampukol, presente man ang mga MP na naghahale pa sa manlaen-laen na eskwelahan sa ciudad nin Naga. Kan kami nagdadangadang na sa centro kan Calabanga, bigla man buminagsak ang uran. Ang parada nagpopoon na pero dai kami tinugutan na magluwas nin dsip sa rason na . . . dai ko aram. Kami nagpahuraw nguna kan uran, pero kan dai ini nagpundo nagdaralagan na kami sa pila nin huli ta kami mahuhuri naman sa parada. Kan kami nagdadalagan naman pasiring sa pila, kadakol-dakol mga tawong nagngingirit samo, dakulang kasusupgan! Pag-abot mi sa pila, kadidikit palang kan yaon duman ta nagbaralik si iba! Sakuyang napagnilay-nilay na nag-aarasa na naman iniyong mga tawong ini sa samong mga paratukdo na magdara kan saindang mga kagamitan. Nakapainit pa kan payo ko kan kinurahawan ni Nica si Felix na magdalagan na ta garo na daa naglalakaw sa bulanon. Aram ko patal siya, pero dai ko man inisip na arog siya kaidto kapatal na padalaganon niya ang tawong may dara-darang triple drum. Garo ko na isarabit saiya ang triple drum asin padalaganon siya sagkod magkadarapla pa siya.
Si parada mi dai man gayong halawig ta huri naman kami nagpoon asin dai ming gayo namati ang pagal ta nag-uuran kaidto. Sa dai ko pagkamati nin pagal, ni dai ko lamang hinanap ang (mayong saysay na) MP ko. (Basahon: ABI)
Sa buong lawig kan parada, cadence lang ang pinatugtog samuya nin huli ta baad maraot ang tanog kan mga lyre dara kan agkabasa kaini sa uran. Kan kami harani na sa plaza kan Calabanga, pinapundo na kaming tugtog. Kan paglaog mi sa plaza, tinodohan mi na ang martsa nin huli ta kami tatawan na nin marka. Gabos kami hinahalat na sana ang siwit kan lider para sa pagtugtog kan AFP March pero nakaluwas na lamang kami sa plaza, cadence man guiraray ang tugtog mi.
Isipon na sana nindo kung ano ang hitsura asin reaksyon ni Sir Levi asin kan samong mga trainor.
******
CONGRATZ SA CAT FANCY DRILL, 1ST!
Happy Birthday palan ky Angela.ü
